ევროკავშირის ელჩი საქართველოში პარლამენტის მიერ საკონსტიტუციო ცვლილებების მეორე მოსმენით მიღებას ეხმაურება. განცხადება კარლ ჰარცელმა Twitter-ზე გამოაქვეყნა.

"მივესალმები გადამწყვეტი საკონსტიტუციო ცვლილებების მეორე მოსმენით მიღებას. სამწუხაროა, რომ განსხვავება მცირე იყო და იმედი მაქვს, რომ 29 ივნისს, საბოლოო კენჭისყრაზე 8 მარტის შეთანხმების სულისკვეთება აღდგება, მათ შორის ის 142 ხმა, რომელიც მას მხარს მაშინ უჭერდა," - წერს ჰარცელი.

პარლამენტმა საკონსტიტუციო ცვლილებებს მეორე მოსმენით მხარი დღეს დაუჭირა.

ცვლილებებს 115-მა დეპუტატმა დაუჭირა მხარი. წინააღმდეგ ხმა მისცა სამმა დეპუტატმა.

კენჭისყრაში მონაწილეობა ამჯერადაც არ მიუღია "ნაციონალურ მოძრაობას," მეორე მოსმენით განხილვას არ ესწრებოდა "ევროპული საქართველო", რომელმაც საკონსტიტუციო ცვლილებებს პირველი მოსმენით მხარი დაუჭირა.