დღეს სვეტიცხოვლობაა. 14 ოქტომბერს ქართული ეკლესია მცხეთობას, იგივე კვართის დღესასწაულს ზეიმობს. დღესასწაულთან დაკავშირებით 10:00 საათიდან სვეტიცხოვლის საკათედრო ტაძარში საზეიმო წირვას კათოლიკოს-პატრიარქი მღვდელმთავრებთან ერთად აღავლენს. მოგვიანებით ილია მეორე მრევლს ქადაგებით მიმართავს.

პანდემიის გამო ტაძარში მყოფ მრევლს პირბადეები დაურიგდება, მათ წირვაზე დასწრება სოციალური დისტანციით მოუწევთ. თერმოსკრინინგი ჩაუტარდება მცხეთაში მყოფ ყველა პირსაც.